01
қыркүйек
2022
Ашылу салтанаты

Жыл сайын елімізде білім алуға қадам басқан бүлдіршіндеріміздің саны артқандықтан 1 қыркүйекте Семей қаласының Шығыс кентінде " №45 ЖОББМ " КММ мектеп мекемесінің ашылу салтанаты өтті. «№45 жалпы орта білім беретін орта мектебі» КММ –де жалпы 1545 бала білім алуда. Оның ішінде: даярлық тобында – 172 тәрбиеленуші, 1-9-сыныптарда – 1373 оқушы бар. Оқу барысы 2 ауысымды қамтиды. Мектепте 116 мұғалім жұмыс істейді. Жоғары біліктілік санаты бар мұғалімдер саны – 41. Жас мамандар саны -14. Барлық жас мамандарға жоғары санатты білікті ұстаздардан тәлімгерлер бекітіліп, жұмыс жоспарына сай іс-шаралар атқарылуда. Кіші қамту қызметкерлерінің саны – 53. Спорт зал, жаттығу залы, 396 орындық асхана, 460 орындық акт залы оқушылар мен ұстаздарға қызмет атқаруда. Мектептегі жылу қазандығының жұмысы қалыпты. 10 мультимедиялық, 4 лингофонды және жабдықталған физика, биология, химия кабинеттері жұмыс істеп тұр. Балаларға арналған спорттық секциялардың ішінде: баскетбол, волейбол, футбол, тоғызқұмалақ, жеңіл атлетика, қазақша күрес, қол күресі, ұлттық ойындар бар. «Тарих өнерпаздары» дебат клубы, «Домбыра», «Ән», «Өнер» үйірмелерінің жұыстары тиімді ұйымдастырылған.


