27
қазан
2026
25 қазан – Республика күні мерекесіне орай ....

25 қазан – Республика күні мерекесіне орай «№45 ЖОББМ» КММ-де 6-сынып оқушылары арасында «Патриоттық әндер» сайысы жоғары деңгейде ұйымдастырылып, өткізілді. Сайыстың негізгі мақсаты – өсіп келе жатқан жас ұрпақтың бойында отансүйіштік пен патриоттық сезімді қалыптастыру, ұлттық өнерді ұлықтау және оқушылардың шығармашылық қабілеттерін шыңдау. Шара барысында 6-сынып оқушылары Атамекенге, туған жерге және елге деген сүйіспеншілікті дәріптейтін жүрек жарды патриоттық әндерді орындап, өз өнерлерін ортаға салды. Әрбір сынып өз өнерін ерекше дайындықпен, сахналық мәдениетімен және ұйымшылдығымен көрсете білді. Қазылар алқасы қатысушылардың дауыс ырғағын, сахналық киім үлгісін, әнді орындау шеберлігін әрі әсерлігін бағалап, үздік шыққан сыныптарды арнайы мадақтамалармен марапаттады. Өскелең ұрпақтың бойына патриотизм дәнін егетін мұндай маңызды іс-шаралар мектебімізде дәстүрлі түрде жалғасын таба бермек!


