15
қыркүйек
2026
«Тілдер шеруі» айлығы аясында

«Тілдер шеруі» айлығы аясында, 11 қыркүйек күні Абай атындағы әмбебап кітапханада жергілікті ақындар Мерей Қарт және Бауыржан Игілікпен тағылымды кездесу өтті.
Кездесуге мектебіміздің 9-сынып оқушылары мен қазақ тілі мен әдебиеті пәнінің мұғалімдері қатысты.
Рухани жүздесу барысында ақындар шығармашылық жолы, сөз өнерінің құдіреті, ана тілінің қадір-қасиеті мен әдебиеттің адам өміріндегі орны туралы ой бөлісті. Оқушылар ақындардың шығармашылық әлемімен жақынырақ танысып, көкейіндегі сауалдарын қойып, еркін пікір алмасты.
Тағылымды кездесу жас оқырмандардың әдебиетке деген қызығушылығын арттырып, ана тілін құрметтеуге, көркем сөзді бағалауға, ұлттық рухани құндылықтарды дәріптеуге бағытталған әсерлі шара болды.
Кездесуді Абай кітапханасы және мектебіміздің қазақ тілі мен әдебиеті пәнінің мұғалімдері Сулейменова Р. Ш., Қадырова Е. Қ., Чакибаева Г. Е., Сыдыкова К. К. ұйымдастырды.
✨ Жырдан – әсер, кездесуден – естелік…


